اہلِ بیت اطہارؓ کے حضور

دیں کو ملی جِلا ہے درِ اہلِ بیت سے
زندہ ہوئی وفا ہے درِ اہلِ بیت سے

قسمت کا در کھلا ہے درِ اہلِ بیت سے
سب کچھ مجھے ملا ہے درِ اہلِ بیت سے

مشکل میں جب گیا ہوں درِ اہل بیت پر
مشکل ہوئی کشا ہے درِ اہلِ بیت سے

ہر غم کا ہے علاج درِ اہلِ بیت ہی
ملتی ہر اک شفا ہے درِ اہلِ بیت سے

ہر چیز مل گئی ہے درِ اہلِ بیت سے
ہر کام ہو گیا ہے درِ اہلِ بیت سے

کرتا نہیں سوال کسی اور در پہ یہ
تائب تو مانگتا ہے درِ اہلِ بیت سے