جو اُجلا تن نہیں تو کیا میں اُجلا من تو رکھتا ہوں
میں تشنہ لب ہوں آنکھوں میں مگر ساون تو رکھتا ہوں

اگرچہ تیرگی ہی تیرگی ہے چار سُو میرے
میں ایسی تیرگی میں بھی دلِ روشن تو رکھتا ہوں

مرے دامن میں رنج و غم کی ہے اشکوں کی دولت ہے
مجھے مت جانیے مفلس کہ ایسا دھن تو رکھتا ہوں

میں بستا شہر میںہوں پھر بھی صحرا سے مجھے نسبت
نہیں میں قیس تو کیا ہے میں پاگل پن تو رکھتا ہوں

میں اُن کو دل میں رکھتا ہوں جو تائبؔ دور رہتے ہیں
اگرچہ بے ہنر ہوں پھر بھی اتنا فن تو رکھتا ہوں