برادر محمد حسنین عسکری کی شان دار کاوش

بحثیتِ انسان اِن کے بارے میں بہت کچھ سُنالیکن بعد از ملاقات بل کہ پے در پے ملاقاتوں نے ان کے اندر چھپی ہوئی لاتعداد جہتیں  مجھ پر آشکار کر دیں۔ موصوف ہنس مکھ ، مخلص اور با کردار شخصیت کے مالک ہیں ۔اور یہ مبالغہ نہ ہوگا کہ بہت  اچھے تحقیق و تخلیق کار بھی ہیں۔یہ تو بظاہران کی ذات سے متعلق چند باتیں ہیں لیکن اگر  ذاتِ گرامی کا مکمل احاطہ کرنا مقصود ہوتو ان کی کتاب "اردو صوت شناسی"کے ساتھ "کردارِ حسنینیؑ " بھی رقم کرنا پڑےگا۔ اللہ پاک محترم عمرِ خضر عطا فرمائے۔

ان کا مقالہ برائے ایم فل اردو اب کتابی شکل میں منظرِ عام پرآ نے کے لیے مچل رہا ہے۔تحریر عمدہ،تحقیق لاجواب اور اگر صوتیات پر حوالہ جات سے متعلق کوئی کتاب آنے والے دنوں میں مارکیٹ میں دستیاب ہوگی تو وہ جناب حسنین عسکری ایم فل اردو کی "اردو صوت شناسی"ہو گی۔بی۔اے، ایم۔اے،ایم۔فل اور پی۔ایچ ۔ڈی کی سطح پر حوالہ جات کے لیے ایک گراں قدر اضافہ ہے۔مزید کتب بھی منظرِ عام پر آئیں گی جو موصوف کی علمیت ظاہر کریں گی۔ اللہ پاک موصوف کی علمیت میں اسی طرح،اردو ادب جو کہ فی زمانہ نظر انداز ہو رہا ہے کی خدمت کا فریضة  بجا لاتے رہیں۔امین ۔

دعا گو

پروفیسر اعجاز علی صفدر

ایم فل اردو (لسانیات)

                                                                             سیال کوٹ