ﷺ
رفعتِ ذکرِ نبیؐؐ کی چار سُو گونجی صدا
فرش سے تا عرش ہے توصیف کا یہ سلسلہ

سرورِ عالمؐ کی مدحت کے ترانے کُو بہ کُو
رحمۃ اللعالمیںؐ کے تذکرے ہیں جا بجا

مشکلوں کے دور میں وردِ زبانِ حال ہے
ہے یہی ردِ بلا ، صلِ علیٰ ، صلِ علیٰ

اُمّتی کی سرگزشتِ غم سے بھی ہیں باخبر
بلبلاتے اُونٹ کی جو جانتے تھے التجا

ڈوبتا خورشید پلٹا ٹکڑے ٹکڑے چاند تھا
صاحبِ شق القمرؐ کا اِک اشارہ کیا ہوا

ٓٓٓآپؐ کا اعجازِ نسبت ناز ہے کونین کا
’’تاجداؐرِ انبیائ! خیراؐلبشر خیرالوریٰؐ‘‘

ربِّ کعبہ کا اُسے عرفانؔ ہوتا ہے فقط
لذتِ عشقِ محمدﷺ سے ہوا جو آشنا