1689956879011_56117917
Not Available Free
55
ﷺ
خاص خالق کی عطا ، خیرالبشرؐ ، خیرالوریٰؐ
اُمَّتی ہوں آپؐ کا ، خیرالبشرؐ ، خیرالوریٰؐ!
آسمانِ وقت پر ہے کہکشاؤں کی طرح
نقشِ پا کا سلسلہ ، خیرالبشرؐ ، خیرالوریٰؐ
ہوتی جاتی ہے اگر معدوم شاہوں میں سخا
آپؐ کے منگتوں کو کیا ، خیرالبشرؐ ، خیرالوریٰؐ!
آپؐ کے کہنے پہ کنکر ہو گئے محوِ سخن
آپؐ ہیں معجز نما ، خیرالبشر ، خیرالوریٰؐ
ظلم کی تاریکیوں میں ابنِ آدم کے لئے
روشنی کا سلسلہ ، خیرالبشرؐ ، خیرالوریٰؐ
انبیاؑء تو باقی سارے لے کے آئے معجزات
ہیں سراپا معجزہ ، خیرالبشرؐ ، خیرالوریٰؐ
انبیاؑء میں آپؐ کا ہم مرتبہ کوئی نہیں
اے امام انبیائؐ ، خیرالبشرؐ ، خیرالوریٰؐ
مظہرِ پیغامِ حق ہے ، جلوہ گاہِ نور ہے
آج بھی غارِ حرا ، خیرالبشرؐ ، خیرالوریٰؐ
منتشر اجزائے ہستی کو سلیقہ دے گیا
نقشِ پائے مصطفیؐ ، خیرالبشرؐ ، خیرالوریٰؐ
وادیٔ طائف کے پتھر ، اہلِ مکّہ کے ستم
در گذر کی انتہا! خیرالبشرؐ ، خیرالوریٰؐ
منصبِ محمودؐ پر عرفانؔ جچتا کون ہے؟
’’تاجدارِ انبیائؐ! خیرالبشرؐ ، خیرالوریٰؐ‘‘
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |