ﷺ
چل پڑے حجّاج کیونکر صحنِ کعبہ چھوڑ کر
منزلِ حق مل نہ پائی راہِ طیبہ چھوڑ کر

صورتِ ابرِ گریزاں رحمتِ کُلؐ کی گھٹا
جا نہیں سکتی کسی صحرا کو پیاسا چھوڑ کر

عاصیوں کو مل گئی اُنؐ سے نویدِ مغفرت
زاہدوں نے کچھ نہ پایا یہ وسیلہ چھوڑ کر

فتنہ پرور دور میں پکڑو صراطِ مستقیم
سنّتیں اپناتے جاؤ رسمِ دنیا چھوڑ کر

جائیں گی خاتونِ ؑجنّت سوئے جنّت شان سے
ایک جانب خلق ہو جائے گی رستہ چھوڑ کر

نغمۂ توحید کی ہو گی صدا کیسے بلند
یا رسولؐ اللہ کا عرفانؔ نعرہ چھوڑ کر