آپؐ کے نقشِ پا سے مزین زمیں، خاتم لمرسلیںؐ!
اَرضِ بطحا نے پائے ہیں کیسے نگیں، خاتم لمرسلیںؐ!

آپؐ کی بات کا صدق دل سے یقیں ،اے رسولِ امیں!ؐ
آپؐ کو غیر کہتے ہیں صادق امیں ،خاتم لمرسلیںؐ!

آپؐ کو جو رکھیںجان و دل کے قریں ،رحمتِ عالمیں!ؐ
صاف کہتا ہے قرآں انہیں مومنیں ، خاتم لمرسلیںؐ!

آپؐ کا جو ہوا ، سب اُسی کا ہوا ، اے حبیب خداؐ!
آپؐ کا جو نہیں ، وہ کہیں کا نہیں ، خاتم لمرسلیںؐ!

خوش طبع ، خوش ادا ، سیرت خوش صفا ، صورتِ والضحیٰ
خوش خط و خوبرو ، دلکش و دلنشیں ، خاتم لمرسلیںؐ

آپؐ کے بعد آئے نبیؐ دُوسرا ؛ میں نہیں مانتا
سیّد الاوّلیں ، سیّد الآخریں ، خاتم لمرسلیںؐ!

تُو لکھے حرفِ مدحت، پڑھے نعت کیا ، تیری اوقات کیا
دی گئے تجھ کو عرفانؔ! لحنِ حسیں ، خاتم لمرسلیںؐ