راحتِ کون و مکاںؐ سے ہر خوشی کی آبرو
َ’’زندگی نے اُنؐ سے پائی زندگی کی آبرو‘‘

تاجدارِ دو جہاںؐ کے’’ فَقْرُ فَخْرِیْ‘‘ کے طفیل
ہے جہانِ رنگ و بُو میں سادگی کی آبرو

اتّباع رہبرِ جنّ و بشرؐ کے فیض سے
سوئے کعبہ ہر جبینِ بندگی کی آبرو

ہے شفیعِ المذنبیںؐ سے سارے عاصی آس مند
رب ھبلی کی دعا سے اُمّتی کی آبرو

ابنِ آدم کو عطا کی مسندِ انسانیت
فخرِ آدمؐ ہی کے دم سے آدمی کی آبرو

طائرِ حسنِ تخیل کی بھلا پرواز کیا
مدحتِ ممدوحِ رب سے شاعری کی آبرو

حبِّ محبوبِ خداؐ عرفانؔ کے دل کی طلب
آرزوئے دل یہی ہے دلبری کی آبرو