ﷺ
سدرہ کا مکیں چومے سرکارؐ کے قدموں کو
جبریلِ امیں چومے سرکارؐ کے قدموں کو

سدرہ سے بھی آگے کی رفعت کو چھو آئے
جو خاک نشیں چومے سرکارؐ کے قدموں کو

آفاق بھی کیوں رہتے محروم سعادت سے
جب روئے زمیں چومے سرکارؐ کے قدموں کو

قبلہ کبھی اقصیٰ سے کعبہ نہیں ہو سکتا
جب تک نہ جبیں چومے سرکارؐ کے قدموں کو

سلمانؓ کی قسمت میں برسوں کی مسافت تھی
صدیقؓ وہیں چومے سرکارؐ کے قدموں کو

عرفانؔ کی پلکوں کی حسرت ہی رہی لیکن
طیبہ کی زمیں چومے سرکارؐ کے قدموں کو