ﷺ
وادیٔ خار میں گُل رُخی آگئی
دشت و صحرا میں بھی تازگی آگئی
جسم بے جان میں جان سی آگئی
چہرۂ زرد پر بھی خوشی آگئی
جانبِ تیرہ شب چاندنی آگئی
مصطفیؐ آ گئے ، روشنی آگئی
صبح پُر نور میں کیا صباحت ہے آج
تابِ خورشید میں کتنی راحت ہے آج
شام کے وقت میں بھی ملاحت ہے آج
میرے آقاﷺ کا یومِ وِلادت ہے آج
کیسی ماحول میں دلکشی آگئی
مصطفیؐ آ گئے ، روشنی آگئی
پوچھتے ہو کہ کیوں شاد عرفان ہے
’’یَفْرَحوا‘‘ خاص فرمان قرآن ہے
اہلِ ایمان کا جزوِ ایمان ہے
آج میلاد محبوبِ رحمان ہے
سب غلاموں میں وارفتگی آگئی
مصطفیؐ آ گئے ، روشنی آگئی