Home > وَرَفَعْنَا کی صدا > نامہ بروں سے ربط نہ بادِ صبا سے ہے
نامہ بروں سے ربط نہ بادِ صبا سے ہے
Chapter Info
ARI Id
1689956879011_56117973
Access
Not Available Free
Pages
129
ﷺ
نامہ بروں سے ربط نہ بادِصبا سے ہے
بس آہ بھر کا فاصلہ غم آشناؐ سے ہے
پوچھا کہ کس کے دم سے ہے خوشبو چمن چمن
بولی صبا حضورؐ کی زلفِ دوتا سے ہے
ہر شب کا حسن آپؐ کی والیل زُلف سے
ہر دن کی آب و تاب رُخِ والضحیٰ سے ہے
بدرالدجیٰؐ کے نور سے مہتاب کی چمک
تاروں کی روشنی بھی اُسی کی ضیا سے ہے
اُس ذاتؐ کے طفیل ہے دارین کا نظام
دل کی بھی کائنات اُسی دلرُباؐ سے ہے
کس کے لیے سجائی گئی بزمِ کائنات
دلداریِ خدا یہ حبیبِ خداؐ سے ہے
فرشِ زمیں سے عرشِ بریں کی حدود تک
’’سارے جہاں کا حُسن دمِ مصطفی سے ہے‘‘
قرآں کی آیتوں میں کیا ان کا تذکرہ
خالق کو پیار آپؐ کی اِک اِک ادا سے ہے
روزِ ازل سے اِسمِ محمدﷺ خدا کے ساتھ
یہ اِنتہا کو پہنچا ہوا ابتدا سے ہے
عرفانؔ جو نبیؐ کا ہوا وہ خدا کا ہے
الفت رسولِ پاکؐ کی الفت خدا سے ہے
Table of Contents of Book
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |
Similar Books
Loading...
Similar Chapters
Loading...
Similar Thesis
Loading...
Similar News
Loading...
Similar Articles
Loading...
Similar Article Headings
Loading...