1689956879011_56117975
Not Available Free
133
ﷺ
حضورؐ! بزمِ جہاں پُروقار آپؐ سے ہے
فضائے کون و مکاں پر نکھار آپؐ سے ہے
حضورؐ! دل کا نگر شاد آپؐ کے دم سے
حضورؐ! جانِ حزیں کو قرار آپؐ سے ہے
حضورؐ! آپؐ کا صدقہ جہاں میں بٹتا ہے
حضورؐ! سلسلۂ روزگار آپؐ سے ہے
حضورؐ! آپؐ کی ہستی ہے رحمتِؐ عالم
خدا کا لطف و کرم بے شمار آپؐ سے ہے
حضورؐ! درد کے عنوان مٹ گئے سارے
رہا غموں سے دلِ صد فگار آپؐ سے ہے
خزاں رسیدہ شجر کو نویدِ برگ ملی
چمن کے نام پیامِ بہار آپؐ سے ہے
گلِ مراد تر و تازہ آپؐ کے دم سے
ہوائے باغِ جہاں خوشگوار آپؐ سے ہے
دلوں میں شمعِ ہدایت کی روشنی ہیں آپؐ
نظر پہ نورِ خدا آشکار آپؐ سے ہے
یقین بن گیا ایمان ’’انت فیھم‘‘ سے
بدوں پہ بخششِ پروردگار آپؐ سے ہے
وفا کا درس دیا آپؐ نے رفیقوں کو
عدو کی طبعِ گراں بردبار آپؐ سے ہے
نبیؐ کی نسبتِ مدحت کا فیض ہے عرفاںؔ
فقیر قابلِ صد افتخار آپؐ سے ہے
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |